RAIGAME

Prezado asociado: 

Pola presente, convídote ó

I Campionato Veciñal de Chave  Raigame

Data:  sábado 29 de novembro de 08
Lugar: Praza de Vigo
Horario:
  -  Pola mañá ( de 11 h  a 13 h. ) : Iniciación e práctica para nenos, mulleres e principiantes
 -   Pola tarde : Competición a partires das 16,00h.

Inscrición: de balde, libre, e por parellas, nos locais patrocinadores que se citan, e tamén: por correo electrónico en raigame@telefonica.net , no teléfono 676001763 , ou no mesmo día 29, ata as 16 horas, na Praza de Vigo.

Premios:   Gañadores: 1 carneiro e Trofeo.
                   Finalistas: Trofeo Raigame.

E durante a xornada....

¡¡¡POLBADA POPULAR  !!!

Pecharemos a  Rúa Nova de Abaixo para que  dúas polbeiras  nos farten de polbo, pan e bebida, a prezos populares !!!!

Organizan: Asociación de Veciños Raigame  e  Asociación de Xogadores da Chave de Santiago
Patrocinan:  : Asador Castellano, Pizzeria Oasis, Hamburgueseria Chiquito, Bocatería Frankfurt, Tapería Castelao, Bar la Viura,  Bar Tio Gilito, Cervexería Calle Nova, Bocatería Raíces Galegas ,Bodegón Gonzaba e Forno de Compostela
Colabora: Concello de Santiago

Ven a disfrutar  con nós, dunha festa típica  compostelá !

Asinado : Xaquín Mato Castro (presidente de Raigame)

XVI Edición do premio VAGALUME   –Novembro 2008 –

A Asociación de Veciños Raigame e os catro representantes veciñais urbanos no Consello de Relacións Veciñais de Santiago, todos abaixo asinantes, presentan  a candidatura, ó premio Vagalume (individual ), de XOSÉ LOIS VEIGA GOI, xogador, monitor, mestre e auténtico impulsor do xadrez compostelán.

Veiga, como é coñecido popularmente en toda a cidade, é un pioneiro e un divulgador incansable deste deporte minoritario, pero atractivo é valioso para a formación de nenas e nenos.

Se facemos unha enquisa entre os pais que levan ou levaron ós seus fillos a actividades complementarias ou extra-escolares, todos falarían de Veiga e o seu maxisterio pedagóxico cos máis pequenos no pavillón da USC, o pé das piscinas universitarias: cunha paciencia infinita e un sorriso – nunca un mal xesto – Veiga  ensinou os rudimentos do xadrez, a milleiros de nenos composteláns, só coa única recompensa da satisfacción e ledicia, pola  progresión no xogo e na instrucción  dos alumnos.

E cando, desde o colectivo veciñal, chamamos a súa porta para organizar campionatos ou festas de xadrez, sempre estivo disposto e optimista: facía chamadas, carrexaba os taboleiros, orientábanos en todo canto descoñecíamos e, o final, aínda curaba as feridas dos que non aceptaban a derrota....

E, para rematar, aínda que solo fose polo seu mérito deportivo, a cidade de Santiago, pode estar ben orgullosa de Xosé Lois Veiga Goi:  un dos moitos froitos do seu desinteresado ensino é DIEGO SUAREZ POUSA ( n.1976 )  o primeiro compostelán Mestre Internacional de Xadrez ( 2431 puntos ELO ).

 En Santiago de Compostela, novembro de 2008

Asinan:
O Presidente da A.Vv. Raigame e os catro representantes urbanos no Consello de Rr.Vv.:

Xaquín Mato Castro  /  María Teresa Barral Ameigeiras  /  Juan José Álvarez Carril  /  Agustín Pena Herva  /  Xosé Martínez Otero